عصر السرعة انتظروا الحشيش فى السوبر ماركت قريبا

يعني الي بيشرب حشيش ده انسان محترم جدا وعارف ربنا بس بيشرب حشيش زيه زي مثلا واحد متدين وبيشرب سجاير
والشاب من دول يقولك ايه حد الله بيني وبين المخدرات عمري ما اشربها بس الحشيش ده مزاج وبس وحلال
ازاي حللوه بقى انا مش عارفه
وقريب اوي الحشيش هيتباع في السوبر ماركت زي السجاير

وسمعت من مجموعه من الشباب ان في سجاير نزلت مجهزه يعني
بمعنى انها فيها حشيش علشان بردو ميتعبوش الشعب في لف السجاير وكده فهما لفوها جاهزه
ومش بعيد بقى هيئة مكافحة المخدرات يستبعدو الحشيش من المخدرات ومش يكافحوه لانه هيبقى زي السجاير

مهو لو هيتباع في السوبر ماركت فعلا يبقى الحكومه ربنا يخليها لينا عندها علم بكده وادي ولا همها
خلي الشعب يتبسط يا راااااااااااجل

كنت متابع في رمضان مسسل اسمه الباطنيه لو حد اتفرج عليه

كان في شخصيه اسمها العقاد
تاجر خشب وحجات من دي يعني بس بيتاجر في الحشيش
المهم في حلقه اتفرجت عليها والله ضحكتني
ابن العقاد ده جه بيقوله يا حاج الحشيش مبقاش جايب همه في السوق وكمان التجار كلهم شغالين في الاكبر من الحشيش

شتم ابنه وقاله انا بتاجر في الحشيش وبس لكن حد الله بيني وبين المخدرات
خلينا مشيين في الحلال علشان ربنا يكرمنا
ولو قلت كده تاني لا انت ابني ولا اعرفك

ههههههههههههههههه راجل مؤمن بجد وبيخاف على وطنه

عارفين ايه مشكلتنا اننا في في حياتنا تناقضات كتير اوي
لازم نعرفها ونكتشفها

وعليه العوض ومنه العوض بقى في الي راح
وحسبي الله ونعم الوكيل في الي كان السبب
وربنا يست على شبابنا ويحميهم من كل سوء
ويبعد عنهم الشر


سوري لو كان الموضوع مش منظم بس دي حاجه كنت لاحظتها ومنرفزاني اوي وحبيت اقولها
تحياتي للجميع