ما بين الحــب و الكراهية تابعونا فى اولى الحلقات

ازيكو يا شباب ويا بنات القسم

منورين منورين منورين .. بس خفوا النور شوية الكهربا بقت غالية اوي
قبل ما اتكلم عن اي حاجة .. انا طبعا عندي مفاجأة جامدة اوي اوي اوي ..
شريكى العزيز الى ماسك القسم (نورعينى ) هوا اللي هيكون معايا هنا و عايز اجدع سلام ليه يا جدعان دي بقاله فترة صايم عن المواضيع..

سمعني يبني ضرب النار .. لا اكتر كمان .. دا نور عينى يابني

احنا انهاردة جاينلكوا و معانا موضوع جامد اوي اوي اوي

.. الحب و الناس ..
فكرة و اعداد :admin(سمسم) -------- التقديم و المتابعة :علاء (نورعينى)

الناس حكايات ..
كل يوم بنسمع حكاية ..
وطبعا كلنا بنحب نتكلم عن اي حد (أحسن شعب تمام وحياة ربنا) ..

و كل واحد يقول: والله انا لو كنت مكانه انا كنت كذا .. و كذا ..

بس صوابع إيدينا مش زي بعضها ..
ربنا خلقنا مختلفين ..
كل واحد فينا ليه شخصيته .. وتربيته .. وطباعه ..
عشان كده عمر ما تصرفاتنا اتشابهت .. دايما فيه نقطة مميزة ..

إنهاردنا موضوعنا عن الحب و الناس ..
حكايات العشق و الهيام و الغرام مع ظروف الحياة المختلفة بين الناس بمشاكلهم اللي مبتخلصش ..
الحب زي اي بنى ادم بيتشكل مع الظروف ومع الناس ..
حكاياتنا فيها اللي حصل بجد ..
وفيها اللي جه في بالنا و كتبته إيدينا ..
موضوعنا عنهم (هو & هي) ..
بس اكيد كل واحد فينا ليه تصرف في كل حكاية مختلف عن التانى ..

ياتري لو كنت مكانه/مكانها كنت هتعمل إيه ؟؟

و ده الكتالوج بتاع موضوعنا بالصلاة عالنبي :

كل يومين (إن شاء الله) هنحكي حكاية ..
مرة عن تصرف اعضاءنا البنات في الحكاية دي ..
ومرة عن تصرف اعضاءنا الولاد في الحكاية التانية ..
وطبعا مفيش مانع الولاد يرزلوا عالبنات و البنات ترخم عليهم و يردوا في حكايتهم ..
و هيكون فى عضوة هيتم اختيارها في حكايات البنات ..
وهيكون علاء معاكو في حكايات الولاد ..
وهنرزل إحنا كمان ع بعض متخافوش .

يلا يا جماعة هستنى رد فعلكم ومشاركتم في كل حكاية ..
اللي مش هيشارك هنحبسه في الأوضة الضلمة ..

..

انتظرونا في اول حكاية : الصدمة ..

» نجم المستقبل /علاء فتحى فى اولى البوماته
» من اجمل الحلقات للشيخ محمد حسان بعنوان . كيف ترى رسول الله صلى الله عليه وسلم في المنام بمساحة 25 ميجا